CAGAYAN DE ORO CITY – Gikalipay ug gipasigarbo ni PDEA-10 regional director Wilkins Villanueva ang pagka-konbikto sa korte ni former Poblacion Brgy Capt. Honiforte Ladaran Redondo Jr nga taga-Lagonglong,Misamis Oriental.
Kini tungod sa pagpamaligya niini’g drogang shabu diin nadakpan kaniadto sa search warrant operation sa maong lungsod tuig 2018.
Gibutyag ni Villanueva nga milungtad ang hustisya sa ilang kampaniya batok sa illegal drugs.
Nagpasalamat si Villanueva sa mga testigo kay dako ang ilang natabang aron makonbikto si Redondo.
Gisilotan ni RTC Branch 25 Presiding Judge Arthur Abudiente si Redondo nga mabilanggo sa tibook kinabuhi ug gipagbayad sa multa nga P400,000.00.
