Misaka pa sa 600 ka suspected cases sa Ebola Virus ang natala sa Democratic Republic of Congo (DRC) ug Uganda. Subay kini sa data sa World Health Organization (WHO).
Namagayag si WHO Secretary General Tedros Adhanon Ghebreyesus nga gikasubo nila ang kapin 130 nga namatay gikan sa duha ka apektadong nasud.
Gitumbok niini nga ang bayrus, posibleng mikuyapan sa nasud nga wala mabantayi sa mga otoridad, busa ilang gimando ang hugot nga “testing” sa tanan masuspetsahan nga nagbaton sa bayrus.
Gawas niini, gikasakit usab ni Ghebreyesus ang report nga iyang nadawatan nga ang pagkunhod sa pondo ug donasyon alang sa medical sector sa duha ka nasud, maoy usa sa gitan-aw nga hinungdan sa hinay nga responde ug lisud nga pagsanta sa outbreak sa mga komonidad
