Misaka pa sa kapin 100 ka tawo ang namatay tungod sa paspas nga pagkuyanap sa Ebola Virus sa Democratic Republic of Congo (DRC). Kini ang gibutyag sa Africa Centres for Disease Control and Prevention.
Miingon si Jean-Jacques Muyembe-Tamfum – Director General sa Congo’s National Institute for Biomedical Research (INRB) nga anaa pa sa kapin 390 ka tawo ang adunay mga sintomas sa makapatay nga sakit.
Gawas sa Congo, aduna na usab kaso sa Ebola sa nasud sa Uganda, kundiin duha na ang kompirmadong patay. Lakip sa napukan sa bayrus ang usa ka Amerikadong doktor sa DRC nga gipadala sa Germany alang unta sa paghiling kaniya.
Unang gireport nga posibelng na-expose ang doktor sa bayrus sa mga tawong iyang nahimamat nga wala masayud nga sila naigo sa Ebola.
Misaad si Dr Muyembe-Tamfum nga buhaton ang tanan aron makontrolar ang pagkuyanap sa pabing delikado nga sakit sa Aprika.
