Temporaryong nahatagan sa kagawasan ang driver ug duha niini nga pahenante human masapon sa PNP Check point nga mikarga sa gitoohang ismagol nga sigarilyo sa Brgy. Dalipuga, Iligan City.
Gibutyag ni Police Regional Office 10 spokesperson Police Major Joann Navaro nga lakip sa nasikop sila alias “Loloy”, 24 anyos, minyo ug residente San Francisco, Agusan del Sur ug siya ang drayber sa nasanta nga puti nga Isuzu Elf Truck.
Lakip sa na-aresto ang iyang errand boys nga sila alyas “Junjun”, 21, ulitawo ug molopyo sa Capalong, Agusan del Sur, ug si alyas “Chard”, 41, minyo ug residente sa Midsalip, Pagadian City.
Nakuha sa ilang posisyon ang walay label nga mga sigarilyo nga nagkantidad sa ₱886,400. Hisayran nga ang tanan 1,108 reams sa smuggled cigarettes gitakdang i-turn-over sa Bureau of Customs (BOC).
