CAGAYAN DE ORO CITY – Giandam na ni Valencia City Police Office commander Lt Col Surki Serenias ang patong patong nga kasong ipasaka batok sa sundalo nga nanghasi sa usa ka sibilyan diha sa Purok-2, Lumbo, Valencia City,Bukidnon.
Miingon si Serenias nga kasong grave threat ug illegal possession of firearms ang ilang ipasaka batok sa suspek nga si PFC Raymund Sarausa, 26 anyos, ulitawo ug nakadestino sa 67th IB sa Davao Oriental kon ugaling pakyas kini nga makapakita sa iyang .45 caliber firearm license.
Detinado sa bilangguan ang suspek dihang iyang gitiunan sa armas ang biktima nga si Ariel Ollada, 26 anyos, minyo ug residente sa susamang syudad human sila magkalalis.
Una nang gikompirmar ni Serenias nga nakainom ang suspek dihang nahitabo ang krimen.
