Gipadayag ni Presidente Ferdinand “Bongbong” Marcos Jr. nga kinahanglang pakusgan pa ang koordinasyon tali sa nasyonal nga kagamhanan ug mga Local Government Units o LGU.
Iyang gitumbok ang Local Government Support Fund o LGSF nga dugay nang wala nagamit sa saktong paagi sa nangaging mga katuigan.
Isip kanhi gobernador ug lokal nga opisyal, nasayod ang Presidente nga mas paspas ang pag-implementar sa mga proyekto kon itugyan kini direkta ngadto sa mga LGU.
Gipasabot usab niini nga malangan ang pagtabang kon sige pa og salig sa nasyonal nga gobyerno nga mag-isa-isa pa og survey sa matag probinsya ug lungsod.
Sa kataposan, iyang gihisgotan nga naa na sa mga mayor ug gobernador ang kumpletong listahan sa mga katawhan nga angay hatagan og dinalian nga hinabang. (jane abulag)
