CAGAYAN DE ORO CITY – Gitumbok sa kapolisan nga naghinobrang obligasyong pinansyal ang giingong rason sa paghikog-patay sa negosyanteng Korean natioanl sulod sa giabangang apartment niini diha sa Villa Trinitas,Brgy Bugo ning syudad.
Miingon si Puerto Police Station commander Maj Peter Tajor nga gumikan sa sobrang kaguol sa 45 anyos nga wala panganli nga Koreano subay sa hangyo sa pamilya rason nga naghikot kini’g cable wire sa computer sa li-og ug gi-konek sa door knob sa kuwarto.
Mismo pa ang anak niini nga menor de edad ang naka-diskobre ayha gidali-dali’g tangtang sa asawa ang wire sa li-og sa biktima.
Gibutyag ni Tajor nga tungod sa epekto sa pandemya sa COVID-19,nahugno usab ang negosyo nga appliance surplus sa maong Koreano nga dunay branches sa Iligan City ug dinhi sa dakbayan.
Walay nakita ang kapolisan nga dunay foul play sa kamatayon sa biktima.
