Kung sa 2025 Palarong Pambansa sa Ilocos, nanghatag silag post card sa mga misaksi sa ilang mga sporting events, karong tuiga, alang sa 66th Palarong Pambansa, muhatag sa libreng sakay ang provicial government sa Agusan del Sur alang sa mga spectators nga gustong musaksi sa managlahing kategorya sa natad sa paugnat sa kusog.
Namahayag si AgSur Governor Santiago Cane Jr nga ihatag nila ang talagsaong ug magarbohon nga hosting sa tinuig nga torneyo sa Department of Education (DEP-ED) kundiin, kapin 13mil ka mga partisipante sa 18 ka rehiyon ang musalmot.
Ang mga lugar nga adunay mga dula nga ipahigayon mao ang Prosperidad (main host), Bayugan City, Bunawan, Esperanza, Rosario, San Francisco, ug Talacogon. Main Venue mao ang Datu Lipus Makapandong Gov. Democrito O. Plaza Sports Complex sa Prosperidad, Agusan del Sur. Dinhi ipahigayon ang opening ceremony ug daghang major sports sama sa athletics, basketball, swimming, ug volleyball.
Sa Bayugan City mao ang venue sa badminton, basketball (elementary boys), chess, taekwondo, wrestling, ug wushu. Sa Bunawan, mao ang venue sa aerobic ug artistic gymnastics.
Sa Esperanza ipahigayon ang boxing. Sa Rosario ang para sa pencak silat.
Samtang sa San Francisco ug Talacogon mao ang venu sa uban pang sports nga gipahimutang sa lokal nga mga pasilidad.
