Gihatagan og katin-awan sa legal counsel sa mga complainant nga si Atty. Amando Ligutan nga dili matandog ang maong grupo sa pagpasaka og kontra-demanda batok sa bana ni Vice President Sara Duterte.
Sumala ni Ligutan, walay kamatuoran ang giingong “chilling effect” o tinguha nga sila mapahadlok aron mapahunong sa ilang krusada.
Gibarogan sa maong grupo nga gilangkuban sa mga pari, madre, ug mga abogado nga legal ug nakabase sa Konstitusyon ang ilang gihimong pagduso sa impeachment complaint aron mangayo og tulubagon gikan sa ikaduhang labing taas nga opisyal sa nasod.
Giisip pa gani sa kampo nga ang maong lakang sa pikas bahin usa ka klarong timailhan nga adunay dakong epekto ang ilang gipasakang kaso.
Gipahayag ni Ligutan nga “high spirits” ang mga complainant ug andam silang moatubang sa bisan unsang sumbong alang sa pagpadayon sa accountability sa gobyerno. (jane abulag)
