Good news!
Lima ka pasyente nga nataptan sa Ebola virus ang gireport nga nakarecover sa Bunia, Ituri Province sa Democratic Republic of the Congo (DRC).
Subay sa report, upat ka medical workers ang gipagawas gikan sa treatment center human mag-negative sa duha ka tests ug usa pa ka laboratory worker nakapauli na.
Gikalipay kini ni World Health Organization (WHO) Director-General Tedros Adhanom Ghebreyesus ang pagdawat sa report, ug siya personal nga nangulo sa pagbukas sa bag-ong treatment center.
Gipasidunggan ni Ghebreyesus ang mga nakarekober kay daku kini nga “milestone” sa natad sa siyensya ug medisina. Hinoon, nagpadumdum usab kini sa mga nakarekober nga magmabinantayon ug dili magkompiyansa.
Sa pagkakaron, wala nay natala nga mga pending nga samples ug nagpadayon ang surveillance, contact tracing, ug case verification.
Kini ang gibutyag ni Congo Health Minister Roger Kamba kundiin, ang nagpabiling 263 ka kumpirmadong kaso, niadto pang Mayo 29 natala sa ilang rekord, ug wala nay nadugang sa ihap sa namatay kay nasemento kini sa 42.
Anaa sa 1,100 test results ang gihulatan sa Africa Center for Disease Control and Prevention (CDC).
