(Update) CAGAYAN DE ORO CITY – Gawasnon na temporaryo ang mag-live in partner nga giakusahan nga nalambigit sa ‘ghost bidding’ ug investment scam nga unang gidakop sa mga otoridad pinaagi sa entrapment operation sa Purok 2,Sapangdalaga,Misamis Occidental.
Kini ang gitaho ni Police Lt Charien Estenzo,tigpamaba sa Misamis Occidental Provincial Police Office kabahin sa pagka-piyansa sa mga akusado nga sila Marilyn Amores,23 ug Nelson Bestre,29 nga pulos nagpuyo sa lugar.
Gibutyag ni Estenzo nga naka-piyansa sa kasong estafa ang duruha rason nga sila temporaryo gibuhian sa kagamhanan.
Una nang midangop ang usa ka reklamante aron isumbong ang duruha kabahin sa nasudlan nga transaksyon.
Si Amores ug Bestre ang nabawian sa 11-mil pesos nga salaping cash,tseke nga balor 5.4 milyon pesos ug ubang mga ebedensiya.
Hisayrang anaa sa 60 milyon pesos ang giingong na-kolekta sa mga sinumbong gikan sa investment taking nga ila gisudlan.
