CAGAYAN DE ORO CITY – Nakasuhan na sa kapolisan sa patung-patong nga kasong kriminal ang duha ka customers sa ‘inn’ nga unang namusil sa roomboy sa lodging house sa highway sa Brgy Kauswagan ning syudad.
Maoy kasuhan nila ni Carmen Police Station commander Maj Mario Mantala Jr ang mga suspek nga sila Zainor-hakiim Dimalutang ug Allan Ali nga taga-Marawi City gumikan sa pagpusil kang Art John Quirem,22 anyos nga taga-Butuan City.
Miingon si Mantala nga kasong frustrated murder,attempted murder ug illegal possession of firearm ang ilang giandam iduso sa piskalya batok sa mga dinakpan.
Dumduman nga nasuko ang mga suspek nga gisita sa roomboys sa lodging house kabahin sa ilang bayad hinungdan sa pagpamusil sa miaging semana.
