CAGAYAN DE ORO CITY – Walay foul play ang kamatayon sa 66 anyos nga lolo nga nakit-an sa suba sa Brgy Casinglot,Tagoloan,Misamis Oriental.
Giila sa imbestigador nga si Staff Sgt Hadji Pabualan sa Tagoloan Police Station ang biktima nga si Lucilo Loquero,minyo nga taga-Brgy Bugo ning syudad.
Sulti pa sa kapikas nga milakaw nga walay pananghid ang biktima ug dako nila nga kakurat nga naabot na kini sa Tagoloan nga wala na’y kinabuhi.
Nasuta nga bungaw na ang biktima nga hayan rason nga nakaabot ug naligo sa suba sa lalawigan sa miaging semana.
