CAGAYAN DE ORO CITY – Walay makasuhan sa kamatayon sa usa ka lolo nga nadisgrasya samtang sakay sa gimaneho nga motorsiklo diha sa Sitio Patpat,Brgy Mambuaya ning syudad.
Kini human kaugalingong lihok lamang ang pagka-disgrasya sa biktima nga si Rene Mabao,63 anyos nga taga-Zone 10,Brgy Carmen ning syudad.
Subay sa impormasyon,gikan sa bulangan ang biktima nga nakainom ug mopauli na unta sa ilang balay sa dihang kalit kining nabangga sa steel barrier sa dalan hinungdan sa pagkaligid niini sa bakilid nga bahin sa lugar.
Nagbaton sa samad sa ulo ang biktima hinungdang kini ang nabugtuan sa kinabuhi kagahapong adlawa.
