Wala nay extension sa voters registration sa Barangay ug Sangguniang Kabataan Elections.
Kini ang gibutyag ni Atty. Ramil Acol, City Election Officer, human gitak-upan na kagahapon ang ilang pagdAwat sa mga nagparehistro.
Gitin-aw ni Acol nga walay napalugwa nga balaod nga kini lugwayan ug wala usab anunsyo gikan kang Presidente Ferdinand Marcos Jr nga extension ang registration period.
Busa sugod ning adlawa, mulusad na sa pagberipikar sa mga bag-ong registrants ang Commission on Elections (COMELEC).
Mipasidaan si Acol nga dili tanan nagparehistro ang mahimong makabotar kay ila pa kining susihon kung adunay mga double entries o mga kakulian.
Una niini, gibutyag ni Acol nga nalabwan nila ang target nga ihap sa mga registrants ning tuiga sa kapin 5% o lapas sa 200,000 ang bag-ong mga botante sa BSKE sa Nobyembre
