Gipanguluhan ni French President Emmanuel Macron ug Rwandan President Paul Kagame ang pag-abli sa usa ka memoryal sa Paris aron tagaan sa pasidungog ang mga biktima sa 1994 genocide sa Rwanda.
Kini nga monumento, nga gitawag og “L’Archive” ug nahimutang dapit sa Seine river, gipahinungod ngadto sa gibana-bana nga 800,000 ka tawo, diin kasagaran niini mga ethnic Tutsi.
Matod pa ni Macron, ang maong memoryal nagbutang sa kasaysayan sa genocide sa kasingkasing sa Paris human sa taas nga proseso sa pagpangita sa kamatuoran.
Hisayran nga kini nga lakang nagpakita usab sa padayong pag-ayo sa relasyon sa duha ka nasod human giangkon ni Macron niadtong 2021 nga adunay seryosong responsibilidad ang France sa wala pagpugong sa maong trahedya.
