CAGAYAN DE ORO CITY – Napatay sa manakahay’g mga punuan sa lubi nga suspek ang kanhi hinigugmang lalaki sa iyang kaipon nga babaye tungod sa grabeng gibati nga selos sa Brgy Tupsan,Mambajao,Camiguin.
Giila ni Mambajao Police Station commander Capt Norman Abian ang biktima nga si Joseph Gumalong,minyo nga residente sa Brgy Indahag ning syudad apan nagsilbing housing construction foreman sa Camiguin.
Subay sa imbestigasyon,miinit ang ulo sa suspek nga si Reynaldo Agape dihang nakit-an niini ang biktima nga nakig-estorya sa maong babaye kay unta adunay importanteng kuhaon nga papeles.
Apan naglain ang ginhawa sa suspek hinungdang nagkainitay nga nag-resulta sa pagpanigbas ngadto sa biktima.
Nahiagom sa tinigbasan sa ulo,liog,nawong ug abaga ang biktima hinungdan sa kamatayon niini.
Atubangon sa suspek ang kasong pagpatay nga ipasaka sa pamilya sa biktima sa maong probinsya.
