Nagpabiling lig-on ang pagsalig ni Presidente Ferdinand Marcos Jr kang DILG Secretary Jonvic Remulla taliwala sa mga panawagan nga papahawaon kini sa pwesto tungod sa sunod-sunod nga kapakyasan sa iyang buhatan.
Gihimakak sa Malacañang ang mga tsismis nga hulipan si Remulla human sa iyang sayop nga report sa pagka-aresto kang Zaldy Co ug sa nahitabong kagubot sa Senado.
Sa pikas bahin, gisaway sa Palasyo si Senator Robin Padilla tungod sa giingong double standard o pabor-pabor nga baruganan sa balaod. Gipahinumdoman sa Malacañang ang video ni Padilla sa una diin giingnan niya si Antonio Trillanes nga mosurrender, apan karon siya na man hinuon ang nanalipod kang Senator Bato Dela Rosa nga dunay warrant of arrest.
Gideklara na karon sa NBI si Padilla isip person of interest tungod kay siya ang katapusang kauban ni Dela Rosa sa wala pa kini narekober human sa duguong barilay sa Senado. (jane abulag)
