Gipatuman sa Senado ang mas estrikto nga seguridad dungan sa gitakdang deadline alang sa pagsumite ni Bise Presidente Sara Duterte sa iyang tubag sa Articles of Impeachment.
Sumala sa pahibalo, hangtod sa alas-7 sa gabii karong Hunyo 1 lamang mamahimong isumite ang maong tubag, personal man, pinaagi sa abogado, o pinaagi sa email.
Mahinumduman nga pormal nga nadawat ni Duterte ang summons niadtong Mayo 20, duha ka adlaw human nag-convene ang Senado isip impeachment court.
Gilauman nga magsugod ang impeachment trial sa Hulyo 6 diin atubangon sa Bise Presidente ang mga sumbong nga culpable violation of the Constitution, graft and corruption, ug betrayal of public trust. (riza budlao)
