CAGAYAN DE ORO CITY – Gipangita sa kapolisan ang suspek-pagpanigbas-patay sa mekaniko diha Purok 5,Naga,Brgy Puerto ning syudad.
Giila ni Puerto Police Station investigator Staff Sgt Lemuel Tecson ang biktima nga si Mark Gil Piquero,42 anyos nga residente sa lugar.
Maoy gitudlong suspek sa pagpanigbas ngadto kang Piquero ang mismong ig-agaw ra usab niini nga si Toto Paden kinsa paspas misibat paghuman sa kremin.
Inisyal nasuta sa kapolisan nga dunay gibating selos ang suspek ngadto sa biktima hinungdan sa ilang panag-away nga miresulta sa pagpanigbas.
Apan wala pa sirad-i sa PNP ang ilang imbestigasyon ilabina nga unang nag-away ang suspek ug iyang kapikas diin mi-aparta lamang ang biktima kagahapon sa hapon.
