CAGAYAN DE ORO CITY – Nadakpan sa hiniusang operasyon sa PNP units ug MILF bases ang duha ka suspected drug dealers sa Brgy Lalabuan,Balindong,Lanao del Sur.
Giila ni Bangsamoro Autonomous Region Police Regional Office Director Brig. Gen John Guyguyon ang mga dinakpan nga sila Ansary Macaombao ug Kandidatu Rasol Bayabao nga nakabase sa maong lugar.
Nakompiskar sa tropa sa PNP ug MILF gikan sa mga suspek ang M-16 rifle,bandolier,tulo ka magazines sa M-16 ingon man ang suspected shabu kuyog ang 500 pesos nga marked money.
Dugtong niini,gipanganti ni PNP ug MILF friendly forces nga dili lung-an ang maong kampanya hangtod nga masikop ang dagkong illegal drugs operators nga naglihok sa Lanao del Sur.
