CAGAYAN DE ORO CITY – Gigukod karon sa Intellectual Property Office of the Philippines ang mga peke nga nagkadaiyang produkto nga makita sa kamerkaduhan dinhi sa Mindanao.
Kini ang rason nga mihimo’g duha ka adlaw nga seminar ang maong buhatan sa nagkadaiyang govt agencies nga nakabase sa rehiyon.
Gibutyag ni Atty Teodoro Pascua,deputy director general sa Intellectual Property Office of the Philippines nga tuyo niini nga luwason ang mga lokal nga produkto batok sa peke nga brands nga maoy mas gipili paliton sa katawhan.
Gani,gilayong nasampulan ang LLD Pharma and Medical Supply diin nabawi sa ahensiya pinaagi sa PNP ug FDA ang mga peke nga pharmaceutical products atol sa operasyon didto sa Ozamiz City,Misamis Occidental.
