CAGAYAN DE ORO CITY – Nakuratan ang tanang mga silingan ug mga kaila sa pamilyang Maglente nunot sa gidangatan nila nga ngilngig nga aksidente sa Magsangyaw, Tupi, South Cotabato.
Kini human nahurot sa pagkamatay ang lima ka sakop sa banay kay naaksidente ang gisakya nila nga L300 van samtang gikan nagdalikyat sa usa ka tourist spot sa Magsangyaw isip kabahin sa ilang pagbakasyon ning holiday season.
Sa pagsasaway sa suod nga silingan sa pamilyang Maglente nga si Estrella Estrada nga halos dili sila makatoo dihang nagsugod paghungaw ang impormasyon nga adunay dautang nahitabo kanila samtang anaa sa bakasyon.
Siya miingon nga ulahi niya na-estorya ang pamilya sa miagi pang adlaw’ng Domingo kay naglarga na sila padulong sa South Cotabato alang sa pagbakasyon.
Miingon si Gng Estrada nga gipabulanan pa niya kin sa biko kay aron adunay matimu-timo samtang anaa sa pagbiyahe.
Dumduman nga sa unom ka sakop sa banay,bugtong si Oliver Maglente lang ang naka-survive kay wala ma-grabehe samtang gimaneho ang van ayha nadisgrasya.
Kabahin sa namatay ang magtiayon nga sila Joel ug Annabelle Maglente ingon man ang ilang mga anak nga sila Joan,Duke,Ike ingon man ang ilang duha ka menor de edad nga mga pag-umangkon nga taga-Cotabato.
Plano pa unta sa mga biktima nga magduaw sa Samal Islands gikan sa South Cotabato.
Hisayrang si Annabelle ang mismong taga-South Cotabato samtang is Joel ang lumad taga-Tagoloan,Misamis Oriental.
