CAGAYAN DE ORO CITY – Gipangita karon sa kapolisan ang suspek pagpusil-patay sa taga- Taguig City samtang anaa sulod sa hotel room sa Zone 1,Brgy Sinai,Laguindingan,Misamis Oriental.
Giila ni Laguindingan Police Station deputy commander Police Lt Chance Ramirez ang biktima nga si Abdeillah Marimpong Asimpen nga nagpuyo sa National Capital Region samtang ang nakasibat nga suspek mao si Sabdullah Macaundas nga taga-Matanog,Maguindanao.
Gibutyag ni Ramirez nga unang nag-inom pa sa softdrinks ang duruha gawas sa Lohas hotel apan sa ilang pagsulod-balik sa kuwarto natigayon na ang pagpamusil.
Wala matino kon unsay rason nga gipatay sa suspek ang biktima kinsa nahiagom sa mga igo sa kalibre 45 sa iyang lawas kagahapon sa buntag.
