Wala pasagdi ni Misamis Oriental Governor Juliette Uy ang 316 displaced workers sa Sanjia Steel Corporation. Kini ang gitin-aw ni Celso Abucejo, ang special assistant to the govbernor, sa pakighinabi sa Bombo Radyo.
Miingon si Abucejo nga sigurado nga makadawat sa tabang pinaagi sa profiling alang sa emergency employment, livelihood support, skills training, ug psychosocial intervention ang nga trabahante nga nawad-an sa trabaho.
Laraw usab nga hinabi-on sa gobernadora ang mga ahensya sama sa PESO, DOLE ug DSWD aron ipapaniguro nga madawat sa mga trabahante ang ilang separation pay ug ulahing mga benepisyo.
Mahinumduman nga sa miaging adlaw, namahayag ang labor department nga naglaraw sila sa sa temporaryo nga trabaho sama sa TUPAD, lakip na ang paglusad sa livelihood support ug skills training aro mahatagan sa oportunidad sa pagtuon sa bag-ong abilidad ug pagdawat ang mga trabahante, ug makadawat pa sa livelihood packages.
Wala usab gipakilid sa gobernador ang pagpahiling sa mga trabahante nga unang gisuspetsahan nga kontaninado ang ilang panglawas sa radioactive elements gikan sa ilang gigamit nga mga kemikal sulod sa planta.
Other sources: http://piamo.gov.ph/news/company-news/449-chinese-steel-firm-to-operate-in-phividec-industrial-estate
