CAGAYAN DE ORO CITY – Kasuhan sa pagsupak sa Comprensive Dangerous Drug Act of 2002 ang motorista sa police checkpoint sa Brgy Pagalongan Masioon,Ditsa-an,Lanao del Sur.
Giila ni PRO-BARMM Director Brig Gen John Guyguyon ang dinakpan nga si Rashid Camid Adapun,hingkod ang edad ug nagpuyo sa maong lugar.
Nadakpan si Adapun samtang gisulayan niini’g palusot ang 25 gramos nga gitoohang shabu nga bana-banang may 170-mil pesos nga market value samtang sakay motorsiklo apan naharang sa mga otoridad.
Nasikop ang suspek epekto sa gipalig-on nga anti-illegal drugs campaign sa PRO-BARMM ilabina nga may pipila ka lungsod sa Lanao del Sur nga may naglihok nga sindikato sa ilegal nga droga ug dunay kapas mobaligya niini sa dakong bahin sa Mindanao.
