CAGAYAN DE ORO CITY- Gisugdan na sa tourism office ang pagpangandam alang sa paghiuli o homecoming ni reigning Ms Earth Philippines Air Ana Monica Tan sa Misamis Oriental gikan sa iyang kadaugan sa maong indigay sa kauluhan sa miaging semana.
Gibutyag ni Provincial Tourism Officer Atty Jeffrey Saclot nga naglugwa na’g mando si Gov Bambi Emano alang sa pagbalik ni Tan sa lalawigan sa Hulyo 29 ning tuiga.
Namahayag si Saclot nga sobra pa ka puno ang schedule ni Monica hinungdan nga gi-target nila ang katapusang Lunes ning bulana.
Si Tan nga kanhi Ms Kuyamis 2018 title holder ang ikatulo nga Misamisnon nga nakaabot sa national beauty pageant sukad gihingusgan ang programang turismo sa kapi’g unom ka tuig na ang nakalabay sa lalawigan.Si Tan ang nagsunod kang si Janelle Tee gikan sa Pasig City nga giila nga 2019 Ms Earth Philippines Celester Cortesi sa coronation night sa Paranaque City sa miaging semana.
