(Update) CAGAYAN DE ORO CITY – Nasang-at na sa kapolisan ang kasong multiple murder ug frustrated homicide batok sa pamilyang Saway nga gitudlong responsable pagmasaker sa lima ka lumad tungod sa isyu sa yuta sa Sitio Kiabakat,Brgy Songco,Lantapan,Bukidnon.
Miingon si Police Regional Office 10 spokesperson Police Maj. Joann Navarro nga maoy gikasuhan sila Elfredie,Dindo ug Julie Saway kuyog ang laing duha sa piskalya sa Bukidnon kagahapong adlawa.
Gibutyag ni Navarro nga hulaton nila molugwa ang warrant of arrest sa korte aron gamiton sa pagpangita sa maong mga suspek sa kremin.
Dumduman nga maoy gipangpusil ug tigbas-patay sa mga suspek ang mga biktima nga sila Daniel Lugnasan,Rachel Cruz,Rocky Cruz,Winlove Sinto ug Salyawan Pena sa miaging semana.
Sa pagkakaron,pabiling gawasnon ang mga suspek nga mihimo sa kremin.
Hisayrang migamit sa gitoohang improvised nga M-16 rifle;AK-47;kalibre 45 ug mga sundang ang mga suspek sa pag-atake sa mga biktima.
