(Update) CAGAYAN DE ORO CITY – Kasuhan sa pagpatay ang pulis nga giingong miunay pagpusil-patay sa iyang kanhi intelligence asset sa piskalya ning syudad.
Kini human gibutyag ni Cogon Police Station commander Major Sabido Labitad nga lig-on ang nahuptan nila nga mga basehan nga magtumbok sa pulis nga nadestino sa Divisoria Police Station nga giingong mipatay sa biktima nga si Henry Pimentel nga taga-Brgy Macasandig ning syudad kagahapon sa kadlawon.
Miingon si Labitad nga posibleng anggulo sa ilegal nga droga ug pagdumot ang nagtukmod sa wala pa gihapon hingangli nga pulis kung nganong gipatay niini ang biktima gamit ang gitoohang kalibre 38 nga armas.
Una niini,mi-koordinar si Labitad kang Divisoria Police Station commander Major Peter Tajor kabahin sa iyang tawo nga adunay angay tubagon kabahin sa implikasyon sa kremin.
Nagdumili mohatag komento ang dinakpang pulis batok sa pasangil kaniya.Hisayrang sa nadestino pa sa Agora Police Station ang maong pulis, intel-asset niya ang biktima.
