CAGAYAN DE ORO CITY – Nasang-at na ang kasong murder batok sa aktibong pulis nga namusil-patay sa iyang higala nga gikainom sa Zone 3,Lower,Brgy Agusan ning syudad.
Miingon si Puerto Police Station commander Police Maj. Peter Tajor nga pagmatood kini nga wala nila pabori ang suspek nga si Police Staff Sgt Junlit Lubino kinsa miangkon nga iyang nahinaykan ang biktima nga si Drixel Tumbaga gamit ang kalibre 9mm pistol.
Miingon si Tajor nga gitugyan na nila sa piskalya ang pag-determinar sa basehan kon murder o inaug sa kasong homicide ang atubangon ni Lubino.
Una niini,nangayo’g pasaylo ang suspek sa pamilya sa biktima apan nanganti usab sila nga pangitaa’g hustisya ang hitabo.
Si Tumabaga ang naigo sa dughan hinungdan sa iyang kamatayon sa miaging Huwebes sa udto.
