Pildi ang bilyonaryong si Elon Musk sa kaso batok sa OpenAI, human nadesisyonan sa federal jury kagahapon nga dili liable ang maong AI company sa iyang mga akusasyon.
Sumala sa siyam ka miyembro sa jury, “late” na kaayo ningsang-at sa kaso si Musk, bisan pa man sa iyang pangangkon nga mibiya ang kompanya sa orihinal niining misyon.
Tungod niini, pormal nga gibasura sa federal judge ang tanang claims sa bilyonaryo, lakip na ang iyang tinguha nga mapalagpot sa pwesto ang CEO nga si Sam Altman.
Gibutyag sa kampo ni Musk nga usa lang ka “calendar technicality” ang rason sa ilang kapildihan, ug determinado silang mo-apela sa maong desisyon ngadto sa mas taas nga korte.
Samtang, giablihan niini nga legal victory ang dalan para sa OpenAI nga hingpit nang mag-go public karong tuiga, diin gilaumang moabot sa usa ka trilyon ka dolyar ang ilang valuation. (jane abulag)
