Korona para sa North Korea! Milangkat sa titulo ang Naegohyang Women’s Football Club human gipaluhod ang Tokyo Verdy Beleza sa Japan, 1-0, sa mainitong finals sa Asian Women’s Champions League didto sa Suwon, South Korea!
Gipangunahan sa ilang team captain nga si Kim Kyong Yong ang kadaugan human niya gipauwan ang nag-inusara ug bulawanong goal sa dula.
Tungod niini, mibulsa ang koponan og dambuhalang $1,000,000 nga ganti ug selyado na ang ilang slot para sa FIFA Women’s Champions Cup sunod tuig.
Nahimong makasaysayan ang maong sangka tungod kay kini ang unang higayon sulod sa 8 ka tuig nga mibisita ug nakigtigi ang mga atleta gikan sa hilit nga nasod sa North Korea ngadto sa ilang silingang South Korea.
Pinaagi niining kadaogan, gipamatud-an sa North Korea nga sila nagpabiling usa ka solidong powerhouse ug lisod bungkagon nga pwersa sa women’s football sa tibuok kalibutan. (jane abulag)
