Nagkagamay na ang kalibutan ni Senador Bato dela Rosa. Kini ang reaksiyon ni Atty Eddie Cuaresma, kanhi presidente sa Integrated Bar of the Philippine (IBP) Misamis Oriental – Cagayan de Oro Chapter.
Sa pakighinabi sa BOMBO RADYO miingon si Cuaresma nga mas maayo pa unta nga wala mitunga sa sesyon sa senado niadtong Mayo 11 si dela Rosa aron dili masilbi ang warrant of arrest gikan sa International Criminal Court (ICC) batok kaniya.
Kay sa maong adlaw, mao man usab ang pagkompirmar sa ICC nga aduna silay dokumento kalabot sa pagdakop kang Dela Rosa nga gibuksan sa maong adlaw, apan, unang kining gi-isyu niadtong Nobyembre 2025 isip secret file sa korte.
Una niini, miingon si Cuaresma nga pwede man ma “deny” ang iyang hangyo nga temporary restraining order (TRO), apan, pwede usab ma grant ang iyang “main case” kinsa nag-apelar sa Korte Suprema nga babagan ang ipasakang kaso sa ICC kalabot sa crimes against humanity, human siya ang gitumbok nga usa sa co-perpetrator sa dugoong war on drugs campaign ni ICC-detained ug akusado nga si kanhi Presidente Rodrigo Duterte.
