Gitin-aw ni National Bureau of Investigation (NBI) Director Atty. Melvin Matibag nga walay kalabotan sa pagpangita kang Sen. Ronald “Bato” dela Rosa ang plano nga pag-subpoena kang Nancy Dela Rosa.
Gipamugos ni Matibag nga gusto lang sa NBI nga masayran ang kamatuoran sa giingong text message ni Nancy ngadto kang Senate Presidente Alan Peter Cayetano nga “nakatakas” na si Dela Rosa sa taliwala sa kagubot sa Senado atol sa insidente sa pagpamusil.
Si Matibag miingon nga kung tinuod ang maong impormasyon, kinahanglan imbestigahan kung gigamit ba ang Senate shooting isip “diversion” aron mas dali nga makagawas si Dela Rosa.
Gidugang pa niini nga angayan unta ipatubag kung kinsa ang nagmando kang Senate Sgt. At Arms Mao Aplasca nga sugdan ang pagpamusil, tungod kay nabutang sa peligro ang mga senador, staff sa Senado, ug mga miyembro sa media.
