Posibleng malugwayan pa ang mga adlaw sa pakignegosasyon sa Iran sa Estadus Unidos.
Kini ang gikompirmar ni US Secretary of State Marco Rubio human siya naglaum nga wala pa mapalong ang tinguha sa duha ka managlahing partido nga makab-ot ang dinaliang pagtapos sa tulo ka bulan nga gubat, ilabi na human naglunsad sa bag-ong “defensive strikes” ang Amerika sa habagatang bahin sa Iran aron protektahan ang ilang mga tropa.
Taliwala sa tensyon, gipanghimakak sa Iran ang pipila ka pag-atake ug giingong ilang nabungkag ang usa ka “stealth drone” gamit ang ilang bag-ong air defense system.
Samtang nagpadayon ang mga tigom didto sa Doha, Qatar, nagpasidaan usab si US President Donald Trump nga kinahanglang usa kini ka maayong kasabutan alang sa tanan, kay kung dili, wala’y pirmahanay nga mahitabo
