Gikatakda nga magdula ang North Korean women’s football club sa South Korea, sumala sa unification ministry sa Seoul nga nag-ingon nga sila mao ang unang koponan gikan sa North Korea nga makadula sa South sukad pa niadtong tuig-2018.
Sukad sa giyera sa North ug South Korea niadtong 1950 hangtod 1953 nga natapos pinaagi sa kasabutan, panalgsa na lang ang sporting ug cultural exchanges sa duha ka nasud.
Makig-atubang ang Naegohyang Women’s Football Club sa Suwon FC Women sa Mayo 20 alang sa semi-finals sa Asian Champions League.
Ang koponan sa North Korea nga gilangkuban sa 27-ka players ug 12 ka club staff motongha sa South Korea sa Mayo 17. (phillip ariata)
