Mag-comply sa nakalatid sa konstitusyon nga ipatuman ang pagdungog sa impeachment “forth with”. Kini ang panawagan sa grupong National Union of Peoples Lawyer (NUPL).
Sa exclusive interview sa BOMBO RADYO sa presidente sa grupo, miingon si Atty Ephraim Cortez nga obligado ang mga senador nga dunggon dayon ang kaso ni Vice President Sara Duterte.
Subli nagpadumdum si Cortez nga importante kining nga hearing alang sa accountability sa mga tag-as nga opisyal sama ni Duterte, kinsa gi-akusahan nga sa misuse of confidential funds, Bribery, Unexplained wealth, ug Grave threats/death threats batok kang Presidente Ferdinand Marcos Jr. Ang upat ka articles of impeachment batok sa bise presidente pulos bug-at nga akusayon nga angayan lang hatagan sa katin-awan sa gi-akusaran nga opisyal sa senate impeachment court.
Kung mahinumduman nga gireibisar sa impeachment proceedings sa kaso ni Vice President Duterte, subay sa gikinahanglan nga probable cause ug constitutional grounds aron mahimong balido ug mahatagan sa due process si Duterte.
Subli, nagpanikad ang grupo sa mga abogado nga madungog ang kampo sa depensa ilabe nga mihungaw gikan kang VP Duterte ang pinulungang “blood bath” sa impeachment hearing
