CAGAYAN DE ORO CITY – Gikompimar ni Philippine Drug Enforcement Agency o PDEA 10 regional director Atty. Benjamin Gaspi nga nakabawi sila’g sobra milyong pesos nga shabu gikan sa tulo ka dinakpan sa El Salvador City,Misamis Oriental.
Miingon si Gaspi nga maoy nangulo sa operasyon ang drug enforcement unit sa PNP-MisOr nga nagresulta sa pagkadakpan sa mga suspek.
Nabawi gikan sa mga dinakpan nga sila alyas Emerson,53, taga- Iligan City;Alias Norman, 20,taga-Bugo ug alyas Ate, 52 anyos nga gikan gihapon sa Iligan City ang 225 gramos sa gitoohang shabu sa maong operasyon.
Mag-atubang sa kasong pagsupak sa Comprehensive Dangerous Drugs Act of 2002 ang mga dinakpan.
