Gi-welcome ni House Prosecution Panel Spokesperson ug Kabataan Partylist Representative Renee Co ang pag-abli sa impeachment court batok kang Bise Presidente Sara Duterte.
Matod ni Co, dili angay nga maapektuhan ang proseso sa pananagutan bisan pa man sa mga hungihong nga adunay kausaban sa liderato sa Senado.
Gitinguha sa maong magbabalaod nga magpadayon ang konstitusyonal nga proseso nga pinasikad sa ebidensya, ug dili sumala sa politikal nga interes o botohay.
Subay niini, gihatagan na og napulo ka adlaw ang bise presidente aron tubagon ang mga gipasakang artikulo sa impeachment batok kaniya.
Nanawagan usab si Co kang Duterte nga ihatag na ang dugay nang gihulat nga mga tubag ngadto sa katawhang Pilipino. (jane abulag)
