Gitin-aw ni Atty. Rameses “Ram” Victorius Villagonzalo, usa ka International Criminal Court (ICC) accredited lawyer, nga kung madakop si Senator Ronald “Bato” Dela Rosa, kinahanglan kining dad-on una sa pinakaduol nga Regional Trial Court (RTC) sa dili pa i-turn over sa International Criminal Court.
Matud ni Villagonzalo, kini nakabasi sa Article 59 sa Rome Statute diin tahas sa lokal nga korte ang pagsiguro nga husto ang pagka-aresto sa akusado.
Apil sa susihon sa hukmanan mao ang saktong identidad sa gisuspetsahan, pagbasa sa iyang Miranda Rights, ug ang pagsiguro nga walay nahitabong torture o paglapas sa iyang tawhanong katungod samtang anaa sa kustodiya.
Hisayran nga nagpadayon karon nga lapad nga man-hunt operation sa mga awtoridad batok sa maong senador. (RIZA BUDLAO)
