CAGAYAN DE ORO CITY – Gikonsiderar sa kapolisan nga sulbad na ang kasong pagpusil-patay sa usa ka lalaki atubangan sa DTI building sa Corrales Avenue ning syudad sa miaging semana.
Kini human natumbok sa kapolisan ang tulo ka suspek sa maong kremin.
Gibutyag ni COCPO Deputy Director for Operations Lt Col. Surki Sereñas nga nailhan ang mga suspek pinaagi sa video nga nakuha sa mga testigo.
Nagdumili una si Sereñas sa paghatag identity sa mga suspek apan gipasalig ang pagkaso batok kanila hayan sunod semana.
Hisayrang nakaangkon sa mga pinusilan sa kalibre 45 nga armas ang biktima nga si Avelino Majorenos human gibalika’g sumbag niini ang wala mailang suspetsado sa miaging Domingo sa kadlawon.
