Gibutyag ni Atty. Harry Roque nga adtong tuig 2019 pa lamang, nagpadala na siya og email ngadto kang kanhi Executive Secretary Salvador Medialdea aron irekomenda si Atty. Peter Haynes isip abogado ni kanhi Presidente Rodrigo Duterte sa International Criminal Court (ICC).
Matud ni Roque, nahitabo kini samtang nag-atubang pa lang ang nasud sa isyu kung tugotan ba sa ICC ang preliminary investigation batok kaniya, apan wala nadungog ang iyang tambag ug laing abogado ang gipili. Dugang pa niini, sa pagpangutana kaniya kung kinsa ang angay nga mudepensa sa kanhi presidente, gisugyot na usab niya si Haynes tungod kay aduna kini lapad nga kasinatian sa international criminal law.
Hisayran nga nahinumdoman ni Roque ang maong magbabalaod tungod sa pag-uban nila kaniadtong Bise Presidente pa kini sa International Criminal Bar for Asian-Pacific. (riza budlao)
