Gisupak sa National Bureau of Investigation (NBI) ang report nga adunay sagol pamulitika ang pag ronda sa planta sa Sanjia Steel Corporation nga nahimutang sulod sa pasilidad sa Phividec, Tagoloan Misamis Oriental.
Miingon si NBI Director Melvin Matibag nga igo lang miresponde ang mga otoridad sa reklamo sa pipila ka mga trabahante kalabot sa ilang dili luwas nga pagtrabaho sulod sa planta, ug sa ilang mugna nga mga substandard nga steel bars ug mga kabilya.
Gumikan sa reklamo, paspas nga gi-aksyonan sa gobyerno ang pagsusi sa planta ug ilang nadiskobrehan ang patung-patong nga mg bayolasyon.
Usa niini ang isyu sa public safetr kundiin, ang substandard ug contaminated steel makapahuyang sa mga tulay, building, ug uban pang critical infrastructure.
Ikaduha, ang environmental Hazard gikan sa alisngaw sa radioactive waste ug makadaut kini sa panglawas sa mga namuyo nga residente dool sa plantaug sa kahimsog sa mga residente.
Ikatolo, adunay usab nakitang legal ug Economic Impact ang mga imbestigador sa NBI kundiin, ang kaso sa Sanjia, nagdala sa dako nga epekto sa industriya sa Misamis Oriental ilabe na sa sektor sa konstruksyon, gawas pa sa posibleng risgo sa ekonomikanhong relasyon sa China ug Pilipinas.
