Nanawagan ang Alliance of Concerned Teachers Philippines sa Department of Education nga i-defer o i-suspensuhon una ang pagpatuman sa three-term school calendar.
Namahayag si Ruby Bernardo sa Alliance of Concerned Teachers Philippines, nga kulang pa kayo ang pagpangandam nga gihimo nilang mga magtutudlo kalabot niini.
Gani, gipamatud-an ni Bernardo nga dili igo ang usa ka adlaw nga online orientation aron masabtan ang dagkong kausaban sa sistema sa pagtudlo, grading system, ug mga school forms.
Una niini, gikuwestiyon sa kampo ni Bernardo kung nganong gidali-dali ang implementasyon niini ug wala nila mahuna-huna ang pag-antos sa mga magtutudlo lakip na ang risgo sa kahibalo nga ilang ipasa sa ilang mga tinun-an
