Gitubag sa Malacañang ang mga pagsaway ni Senador Imee Marcos batok sa iyang igsoon nga si Presidente Ferdinand Marcos Jr. kalabot sa sitwasyon karon sa Senado.
Matod ni Palace Press Officer Claire Castro nga ang panawagan sa Presidente nga ipadayon sa Senado ang ilang trabaho, usa ka lakang aron matubag ang mga panginahanglanon sa katawhan, ilabi na ang pagsaka sa presyo sa lana.
Gipasabot usab ni Castro nga bisan unsa pa ang mogawas nga resulta sa mga survey, tataw sa publiko kung kinsa ang tinuoray nga nagserbisyo ug kinsa ang wala.
Tungod niini, giawhag sa Palasyo ang mga Pilipino nga sutaon og maayo ang mga impormasyon nga nagakahitabo sa kagamhanan.
