Gihimakak ni Atty. Salvador Panelo ang kaso batok sa kanhi Presidente Rodrigo Duterte sa International Criminal Court (ICC).
Matod niya, ang kaso adunay politikal nga motibo ug ang mga alegasyon puro hearsay, kulang sa klarong ebidensya, ug wala’y igong basihanan.
Hinoon, na-obserbahan niini ang patas nga presentasyon sa duha ka kampo sa proseso sa pagsuta kung angayan ba kumpirmahon ang mga kaso nga isang-at kang Duterte.
Hisayran gibantayan sa tibuok kalibutan ang mga argumento sa depensa ug prosekusyon samtang naghulat sa desisyon sa internasyonal nga hukmanan. (Jane Abulag)
