Wala pay implementasyon sa Pax Silica Initiative tali sa gobyerno sa Pilipinas ug Estadus Unidos. Kini ang gitin-aw ni Professor Herman “Ka Mentong” Tiu Laurel, usa ka Geopolitical Analyst.
Sa pakighinabi sa BOMBO RADYO gipasabot ni Ka Mentong bug-at kaayo ang kondisyon sa Amerika oras nga ma-implementar ang pag-surrender sa Pilipinas sa 1,619 ektarya nga luna sa Economic Security Zone sulod sa Luzon Economic Corridor.
Siya miingon nga ang Pilipinas isip miyembro sa ASEAN aduna nay mga kasabutan sama sa Pax Silica Initiative tali sa China ug ubang pang ASEAN members nga nagpalambo sa technolohiya ug paggamit sa Artificial Intelligences alang sa pag-uswag sa ekonomiya, transportasyon, enerhiya, digital infrastructure ug advanced manufacturing sa rehiyon lakip na ang seguridad sa nasud.
Gisupak ni Ka Mentong ang kasabutan sa Pilipinas ug Amerika kay taas ang tsansa nga dinhi e-deploy ang daghang mga kano nga sundalo ug potensyal pa nga target ang Pilipinas, kung adunay giyera nga sudlan ang Amerika sa Asya o sa Middle East.
