Kini ang gipaninggit ni Presidente Ferdinand Marcos Jr, dihang gipangutana sa media kung unsa ang iyang mensahe sa kaguliyang sulod sa senado sa Pilipinas.
Gihimo sa presidente ang pahayag dihang iyang gipanguluhan ang ceremonial turnover sa Socio-Civic Projects Fund (SCPF) Financial Assistance sa Rizal Memorial Coliseum, Manila, kaganina sa buntag.
Personal nga nanawagan ang president sa mga senador nga mubalik na sa hawanan ug tiwason ang ilang mga trabaho sa dili pa ang session break karong Hunyo 6.
Namugos ang presidente nga daghan pa kaayo naka-ung-ong nga mga balaodnon nga nanginahanglan sa dinaliang aksyon sa senado.
Gibutyag ni Marcos nga wala siya makasabot nganong mihunong sa sesyon ang Lehislatura sulod sa duha ka adlaw.
Nagpadumdum ang presidente nga adunay mga patakaran ug gabayan kung kanus-a lang pwede makanselar ang sesyon ug dili mahimong ikanselar sa mayorya ang ilang pagtambong sa sesyon tungod lang kay misimpatiya sila sa pagsikop kang Senador Jinggoy Estrada.
Iyang gisaway ang lihok sa liderato sa senado tungod kay gikanselar niya ang sesyon kay mi-uban paghatud kang Estrada sa prisohan.
