Gibutyag ni Department of Energy (DOE) Secretary Sharon Garin nga ang gubat tali sa Iran ug Estados Unidos nagpakita sa panginahanglan sa mas lig-on nga energy security sa nasud nga dako ang pagsalig sa imported nga lana.
Ilawom sa plano, magtukod ang Philippine National Oil Company (PNOC) sa mga pasilidad aron mag-imbak sa reserbang lana nga molapas sa kasamtangang imbentaryo sa mga pribadong kompanya.
Tumong niini nga makahatag sa dugang nga buffer sa suplay sa nasud sa panahon sa krisis.
Gibanabana nga moabot sa 500,000 barrels ang unang stockpile nga gibana-bana ang kantidad sa ₱5 bilyon, lakip na ang pagtukod sa mga tangke, pipeline, pantalan, ug uban pang pasilidad.
Gibutyag sa DOE nga nakig-koordinar na ang gobyerno sa PNOC ug Maharlika Investment Corporation aron mahuman ang ang kasabutan sulod sa bulan, alayon sa gilusad nga feasibility study ug site evaluation.
Laraw usab sa gobyerno nga palapdon pa ang reserba aron madugangan ang kasamtangang 30 hangtod 60 ka adlaw nga imbentaryo sa mga pribadong kompanya, ug magdugang pa sa 30 ka adlaw nga buffer stock.
