Gidugok sa gibana-banang usa ka gatos ka libo (100,000) ka mga lokal ug turista ang mabulukong ‘Pink Soup Fest’ didto sa Vilnius, Lithuania. Kini aron hatagan og pasidungog ang ilang sikat nga bugnaw nga beetroot soup nga gitawag og ‘šaltibarščiai’.
Gipuno sa kolor nga pink ang tibuok palibot pinaagi sa mga makalingaw nga aktibidad sama sa waiter race, boat parade, ug ang sikat nga dula sa mga dagkong pink foam slides.
Kini nga festival nagsilbing dakong tradisyon sa nasod matag sugod sa ting-init, diin ang maong pink nga sabaw ang kanunay nga bida sa lamesa sa matag pamilyang Lithuanian.
Gawas nga gisaulog niini ang ilang lamiang pagkaon, nahimo usab kining tulay aron mas mapalambo pa ang turismo sa ilang kapital nga siyudad pinaagi sa pagpasundayag sa ilang talagsaong kultura.
Kini nga kalihukan nagpamatuod lang nga ang yano ug tradisyonal nga pagkaon, mamahimo gyung sentro sa usa ka madasigon ug world-class nga selebrasyon. (jane abulag)
